一個特別的朋友

前陣子閱讀過朋友的一個blog﹐內容提及這樣的一個人﹕

在你心中有這樣的一個人嗎？ 你們可能相愛過，你們也可能喜歡著對方，但是，為了不同的原因﹐你們不能在一起？ 不過即使你們沒有在一起，你們還是保持了朋友的關係。 但是你們心底清楚，對這個人，你比朋友還多了一份關心。 即使不能跟他名正言順的牽著手逛街，你們還是可以做無所不談的朋友。 他遇到困難時，你會盡你所能的幫他，不會計較誰又欠了誰。 男女朋友吃醋了，你會安撫他們說你和他只是朋友，但你心中會有那麼一絲的不確定。 每個人這輩子，心中都有過這麼一個特別的朋友，很矛盾的行為。 一開始你不甘心只做朋友的，但久了，突然發現這樣最好 。
你寧願做他的朋友，彼此不會吃醋，才可以真的無所不談。 特別是這樣，你還是知道，他永遠會關心你的。 你心中的這個特別的朋友 ...? 是誰呢？

我覺得﹐生命中如果有這樣的一個親密朋友﹐的確幸福。你倆知道對方的心事﹐明白彼此的優點與弱點﹐沒有了男女朋友的包袱和壓力﹐真正能做到無所不談的交心知己。有時候你跟另一半爭執﹐就是需要聽一聽另一個異性的意見﹐因為這個親密友人是朋友﹐你會比較自控﹐可以較客觀處理自己的情緒﹔而密友又瞭解你的個性﹐能給予更個人的意見。As a bonus, 你還有點喜歡這個人﹐而這個人又對你比普通朋有著緊。

但這種關係﹐雖有種種好處﹐但卻又是危險非常﹐very fragile。

第一﹕要雙方面都同步前進。萬一是但一方希望關係有所改變﹐ 而另外一方並無此意- doomed
第二﹕就是因為多了一丁點的感覺﹐真的能不妒忌嗎﹖
第三﹕除了雙方的意願外﹐還有的就是大家的另一半。你倆認為﹐既是好朋友就不會越軌﹐不等於另一半也能同樣接受這樣的解釋。為保和一個好朋友的特別關係而為難自己的另一半﹐到底自己愛的是那一個﹖
第四﹕心中其實最喜歡的就是這個密友﹐但卻因為種種理由而跟另一個一起了。由於依然保持著緊密的關係﹐永遠都無法放下這個不屬於自己的「他/她」﹐跟愛那個跟自己相廝的另一半好好戀愛。

每種關係的形成﹐都有其原因。兩個人之所以成為密友而非情侶﹐or vice versa, 就是因為天時﹐地利﹐人和的驅使。如能有一個愛人﹐又能排除以上的難關而依舊保持住與心中這個特別的他/她的關係﹐不是很幸運嗎﹖魚與熊掌﹐同時兼得呢﹗切記珍惜。

搬屋, 結婚, 感恩

2006年﹐對於我﹐係好多改變嘅一年。

今年﹐我搬離住咗十幾年嘅娘家﹐去到一個新區﹐一間新屋﹐同一個十年前我仲未識得﹐今日已經係我老公嘅人一齊生活。

今年﹐我宣誓結婚﹐承諾餘生﹐無論環境順逆﹐疾病健康﹐都會愛阿基 - 呢個承諾好大﹐可能呢一世都唔需要再作咁嚴重嘅一個決定。

記得結婚前﹐唔止一個朋友同我講﹐覺得我一的都唔緊張﹐好似婚禮綵排嗰晚﹐就有人話我好似喺度幫緊朋友綵排(因為今年有好多朋友結婚)咁﹔另外伴郎又話我係one-of-a-kind新娘﹐結婚前幾日竟然願意同他吃日本任食。自己真係好好彩﹐因為有屋企人同好多朋友幫我哋手﹐令我完全唔駛擔心結婚當日嘅任何細節﹐所以先可以做個輕鬆嘅新娘。我自己都幾意外﹐去到結婚前一晚先至訓得唔係咁好。

另一樣令我意外嘅﹐係個多月來嘅婚姻生活並唔係想像中咁難適應﹐或者因為我哋仲係好忙﹐所以仲未知婚姻生活係乜嘢一回事﹐定係因為大家好彩地找到一個大家都舒服嘅相處方法﹖又好幸運我哋有好多有經驗嘅朋友提點我哋。有人問婚後生活點﹐我覺得改變唔係咁大﹐並唔係咁難令人接受﹔in fact﹐我都幾享受。

今年參加咗好多個婚禮﹐慶幸自己有多次機會幫唔同嘅新人﹐亦好高興見到好多情侶﹐經歷過時日嘅洗禮﹐仍選擇步入教堂。每對 couple所share嘅愛﹐都令我好感動。但與此同時﹐琴晚我喺短短半小時內聽到兩對情侶分手嘅消息﹐之前亦有另一個朋友受到感情重創。原來﹐活咗四分一個世紀以後嘅我哋﹐係被感情牢牢咁牽動住﹐好似去到呢個階段﹐大家都作出某些重大嘅決定。好彩嘅就找到一個自己所愛﹐又願同自己走埋下半生嘅人﹔無咁好彩嘅就係發覺﹐原來投放咗嘅時間同感情﹐並不夠叫自己或對方作出犧牲﹐又或者係﹐發覺原來自己愛得不夠﹐不敢叫對方犧牲﹐因為覺得自己的愛不夠用來回報對方的犧牲。又有其他例子﹐既不是不愛﹐但係總不願作出終身相守嘅承諾-其實咪又係愛得不夠之故。

感謝主賜我一個我既愛﹐而又愛我的人﹐賜我一個真心對我而又願意和我溝通的愛人。盼望未來的日子﹐自己每天愛他多一些﹐疼他多一點﹔而他﹐每天都比前一天更快樂﹐更幸福。

愛﹐只有愛得太少﹐愛得不夠﹔並沒有不懂得去愛 的人﹐只有不願去愛的人。大家勇敢地面對自己的感覺﹐放膽地愛吧﹗

前途

延續上一次既entry﹐呢幾日突然又稔起自己前途既問題﹐係咪好奇怪呢﹖讀咗幾年書﹐做咗幾年嘢﹐終於考到牌﹐才提出前途嘅考慮﹐哈哈﹗

其實一路都有一種奇怪嘅想法﹐就係呢份工係一個過度期﹐好等我在其他層面上建立一定嘅基礎﹐尤其係而家﹐準備建立一個新家庭﹐「穩定」係一個大前題。但係與此同時﹐我開始猶豫﹐因為過度期太耐的話﹐相信會變成永久的一個模式。

我並唔係一個好突出既人﹐身形較細小﹐亦無做過咩豐功偉績﹐但係卻不甘於平凡﹐希望自己做到一的好事。我覺得自己成日喺個眶眶裡面生活﹐喺係狗年第一日﹐我希望今年可以有一的新嘅體驗﹐新嘅領會﹐輕鬆的過生活。

每一日都忙到差不多無私人時間嘅我﹐終於決定只留番一個學生﹐大大減少補習嘅時間﹐讓我好好為自己嘅將來籌劃一下﹐亦都俾的時間我好好休息﹐多陪屋企 ﹐準備做個開心又健康嘅八月新娘。