BB病了

小BuB六個月大嘅日子﹐竟然係以傷風﹐咳同發燒黎慶祝。

星期四嗰日只係有幾聲咳同埋有d痰﹐見星期五都未好番咁就去咗睇醫生﹐點知返黎之後病情開始走下坡﹐開始流鼻水﹐到琴日仲開始發燒。原先以為只係少少嘅菌﹐搞到小BuB好辛苦﹗佢又唔識鼻涕﹐又唔識咳d痰出黎﹐因為透唔到氣﹐食唔到奶﹐訓著咗又成日會醒。真係睇見佢咁辛苦﹐好心痛呢﹗最難過係幫唔到佢令佢舒服d。希望快d好番﹐做番平時活潑好動嘅小BuB。

照顧一個病咗嘅BB﹐不停咁喊﹐真係好好嘅耐性訓練﹐亦讓我哋感受到細個時病咗係幾咁要父母擔心。